Sortu, margotu, adierazi, mugitu eta, batez ere, imajinatu eta amestu.
|
Jolas, lantegi eta dinamiken bidez haurrei haien irudimena askatu, sortuz gozatu eta haien sentimendu eta ametsak adierazteko aukera emango dieten espazioak sortzen dira.
Era horretako jarduerak guztiok gordetzen dugun adimen artistikoa piztu, ezagutu edo sustatzeko gomendatzen dira.
HONA HEMEN GURE ESKOLAZ KANPOKO JARDUERA ARTISTIKOAK
|
|
Eskolaz kanpoko jarduera honek askotariko gaiak jorratzen ditu (ingurumen-heziketa, adimen emozionala, artea, gorputz-adierazpena, etab.) eta hainbat teknika erabiltzen dira horretarako: pintura, dantza, antzerkia, talde-dinamikak, jolasak, talde-lana eta taldean hausnartzea. |
|
Haiek sortutako errezeta gozoak prestatzen ikasiko dute, haien dohain guztiak baliatuz. Sormena, asmamena eta bizi-ohitura osasuntsuak sustatuko dituzte egiteko errazak diren errezeta osasungarriekin, ahalbidetuko diena haien burua garatzen, konfiantza hartzen eta batek daki… Haien bokazio profesionala topatzen! |
|
Arkatza, ikatz-ziria, ur-margoak, collagea, pastelak eta beste teknika batzuk landuz, ikasleek teknika eta material ezberdinek eskaintzen dituzten adierazpen-aukerak ezagutuko dituzte eta, haiek erabiliz, beraien artelan propioak egingo dituzte. |
|
Musika-jardueren bidez, haurrek psikomotrizitate- eta sormen-trebetasunak garatuko dituzte giro bare batean. Erritmoak, abestiak, musika-tresna txikiak eta dantzak dira protagonistak. |
|
Antzezlan dibertigarriak muntatzen ditugu eta hainbat jolas eta dinamika egiten ditugu haurrei gorputz-adierazpenarekin, antzezpenarekin eta inprobisazioarekin lotutako teknikak irakasteko. |
|
Jarduera honetan, haurrek ezagutzen eta normalean entzuten dituzten egungo abestien, abesti moderno eta popen koreografiak ikasi eta praktikatzen dituzte. Halaber, jolas eta talde-dinamiken bidez desinhibitzen laguntzen diegu. |
|
Ariketa egiteko modurik dibertigarrienetako bat da. Erritmo latinoak dantzatzen dira oraingo nazioarteko musikarekin fusionatuta. Begiraleak markatutako urratsei jarraitu eta musikaz gozatu besterik ez da egin behar. |
|
Dantza-jarduera honek musikaren, erritmoaren, koordinazioaren eta mugimenduaren mundurako hurbilketa egiten die ikasleei, baina, gainera, heziketa fisiko orekatua ematen die. |
|
Pilatesa gimnastika anaerobiko bat da, giharrak eta gorputzaren gaineko kontzientzia indartzen dituena. Ariketak lurrean egiten dira, pilota edo uztai batekin. |
|
Yoga diziplina ezin hobea da haurrek haien gaitasun fisikoa gara dezaten eta haien gorputza entzuten ikas dezaten. Onena, oso era ludiko eta dibertigarrian antolatzen dugula. |